傅穎（Theresa）前日自爆被前男友羅仲謙打，曾與兩人合作拍電影《熱浪球愛戰》的何珮瑜（Jeana）及曾為Theresa做柴可夫司機的周秀娜男友Avis，昨日在西九龍出席時裝活動，問到Avis會否問候Theresa？他說：「如果見到面會問候吓。」再問他會否擔心Theresa現時被公司雪藏？他即表示：「唔需要我擔心，我擔心娜姐（周秀娜）多啲。」之後Avis強調與娜姐出外拍戲期間不會約會其他異性。

一向出名寸嘴的Jeana會否覺得Theresa自製新聞？她說：「佢演技咁好，謙仔就功夫咁好，我覺得佢兩個耍緊詠春，幾有節奏呀，好似拍緊戲咁。」Jeana又說：「佢對我好溫柔，呢件事又冇片，所以都唔知係點。謙仔個胸咁大，一個女仔好難攬得晒，一係下次搵個條件冇咁好嘅，咪放心啲。」問到Jeana是否Theresa口中的小三，她笑言：「我中學畢業，高level啲。」
此外，森美和田蕊妮前晚在電視城錄影《超級巨聲3》，談到Theresa與羅仲謙的血肉情史，曾跟Theresa同公司的森美表示：「我同Theresa合作過，呢啲真係家事，佢哋自己都未搞清楚，外人更加難明。」對於羅仲謙爆Theresa擅自check他的手提電話，森美坦言：「我覺得呢個做法唔應該，拍拖又好結咗婚都好，應該保持私隱。」
採訪：李珮洳、何慧斯
攝影：仇志德