【老夫子上身】沈嘉偉同余文樂擘面 郭富城回應:耐人尋味 啼笑皆非
郭富城余文樂沈嘉偉不和耐人尋味啼笑皆非
郭富城今日出席自己嘅護髮品牌嘅發佈會,除咗同傳媒暢談囡囡Chant外,仲有講到近期有報道指城城、沈嘉偉同余文樂鬧不和事件。
日前有報道指,城城同樂仔不和,原來係沈嘉偉同樂仔擘面,對上次被人影到同場,已經係兩年前城城嘅生日party上。報道仲話,樂仔出嚟玩都係靠朋友關照,之前樂仔搞個人品牌,樂仔亦有請教沈嘉偉,點知近年樂仔品牌Madness開始發展理想又開始搵到錢,有能力買名車買磚頭,沈嘉偉想搵自己時裝店同樂仔個人品牌合作,有人似覺得個品牌紅咗,唔想益人哋,最終傾唔掂,兄弟自然疏遠。
今日記者就問到城城呢件事,城城聽到之後就話:「當然唔係。 我同嘉偉認識30年,從來未見過、未聽過佢同人反面,佢係一個好爸爸、好好嘅人,每個人都會幫,有咁嘅報道,我用8個字嚟形容,耐人尋味,啼笑皆非。」
更多娛聞,喺晒《娛果》
http://fb.com/appledailyent