馬王「美麗傳承」雖然今季八戰八捷未逢敵手，但有唔少馬迷批評幕後團隊部署過於保守，唔敢出外遠征，正一係「門口狗」。

空穴來風必有因，其實早喺季初，已經一直有傳「美麗傳承」會跑杜拜草地大賽，結果幕後決定留港衛冕冠軍一哩賽；而跑冠軍一哩賽前夕，大摩同馬主郭浩泉亦有話假若成功衛冕，將會衝擊安田紀念賽，最終又係空歡喜一場。

不過究竟遠征對一匹馬王而言，係咪真係咁重要呢？有冇咁嘅必要性？就例如歐洲不敗王者「范高爾」、澳洲超級馬后「雲絲仙子」等等都未曾遠征，但唔會有馬迷質疑佢哋嘅歷史地位，因為由佢哋蹄下敗將再出嘅戰績，已經足夠反映一切。

亦唔單止「美麗傳承」，就連季內戰績同樣彪炳嘅長途馬王「時時精綵」，以及遮打盃亞軍「跳出香港」最終都決定放棄遠征寶塚紀念賽，相信遠征唔似係各位馬迷想像，搭程飛機作客咁簡單。

到底遠征背後需要面對乜嘢風險？事前又需要乜嘢準備？不如一齊Click入條片，聽吓「美麗」系掌舵人郭少明，以及曾派「好好計」遠征多次兼贏過唔少大賽嘅練馬師鄭俊偉嘅分享啦！

-----------------------------
7月4日起 《蘋果動新聞》只限升級壹會員閱覽
繼續撐蘋果！