洗米嫂陳慧玲(Heidi)噚晚同全家人着到紅噹噹為老爺慶祝農曆牛一，相中一家人笑意盈盈、喜氣洋洋。

不過，喺舊年，同樣係周老爺農曆生日，亦都係，一家人、包括仍未搞離婚嘅洗米華同洗米嫂，當晚都有同周老爺慶祝農曆生日，結果，食到中途，洗米華匆匆閃人，原來係，趕住去交人……

鏡頭一轉，由澳門話咁快到咗香港呢邊，只見着住黑衣look嘅洗米華，同英國飛返香港嘅傳聞中女友--Mandy Lieu十指緊扣，任影唔嬲……呢一吓世紀一拖，除咗送俾全港報紙雜誌C1同封面外，亦成為洗米華同洗米嫂離婚嘅導火線。事隔兩日，洗米嫂正式宣佈同洗米華斬纜！

一年過後，相中人，笑臉依舊，而噚晚有份列席嘅洗米華，據知就坐足全程冇走開過，此情此景，看在洗米嫂眼裡，應該點滴在心頭！