黎明演唱會玩直播，即刻掀起直播熱，好似泳兒咁，佢首新歌《四不像》拎到商台歌曲流行榜冠軍，佢喊晒口直播分享喜悅，因為佢覺得得來不易。噚日佢去中環接受網台訪問，佢話：「因為7年冇喺呢個播放榜拎冠軍歌，慢慢唔敢太留意，怕自己失望，喺街聽到好多人讚呢首歌。」同期鄭欣宜既《女神》都熱播，問佢有冇信心贏，泳兒話:「我唔諗咁多，依家都好好。」