當年今日
關於我們

隔牆有耳:阿人靠「工蟻」拉票 - 李八方

蘋果日報 2008/08/22 00:00


候選人拉票慣見幾道板斧,搵政治明星站台幾乎係指定動作,職工盟李卓人費事求人,自己創造一隻吉祥物「工蟻」幫手助選,呢隻吉祥物頗受歡迎,好多市民要求合照,帶挈兩個候選人李卓人、譚駿賢成為當紅佈景板。
除咗「工蟻」,阿人仲有拉票秘密武器,如果請埋乖女9A女狀元Justina幫手,肯定如虎添翼,唔知Justina肯唔肯為老竇犧牲吓呢?前晚阿人出席選舉論壇,因為要上電視,阿人好似陳太咁去咗恤髮,新髮型潮啲,對拉票有冇幫助係未知之數。
佢又話拉票時接到街坊投訴,指輕鐵座椅污糟,會向港鐵反映要求搞好清潔。