近來有不少年輕女模進軍日本，先有𡃁界女神Angelababy（楊穎）攻日，邦民女Kama（羅凱珊）近日都發功，去Avex試鏡。Kama昨日自認未及Angelababy，惟有憑酒窩走可愛路線。

邦民女Kama、李彩華、趙碩之和戴夢夢等，昨日在海港城出席「甜蜜濃情」活動，齊齊炮製黑朱古力，為心晴行動籌款，Kama更與曾傳緋聞的Square成員何尚謙（James）扮作一對坐loveseat。

與富商劃界線

穿紅色露肩裙的Kama新年期間去日本試鏡發展，下月會再攻日，她說：「本來佢哋想我今個月去，但我香港有工作，3月先去得，𠵱家努力學日文先。」Kama在日本試鏡期間，曾見過Avex及多間製作公司，Angelababy比她略早攻日，她說：「日本market咁大，不過我唔夠佢嚟，佢個樣喺嗰度好受落。」有甚麼撒手鐧突圍？她說：「冇，冇法子，我扮可愛囉，因為我有酒窩，佢哋都覺得我style多變，啲雜誌覺得我應該走可愛路線。」
下周六情人節，早前傳Kama被光頭富商追求，問她如何度過？她說：「唔好提啦，N年前，我𠵱家冇對象，我嘅對象就係工作，情人節同狗度過，冇人約，冇人追。」

李彩華着紅底

同場李彩華自爆整個新年都穿紅色內衣褲，昨日也不例外，她說：「我會着到新十五，希望新一年旺啲，我真係發新年財，新年去賭場贏咗5位數字，初二去車公廟求籤，求到上上籤，事業、姻緣都好好。」問她和仁愛堂總理王傲山（Marcus）會否閃電結婚？她即說：「朋友咋，唔會咁激呀？」她更說：「我之前去趙小姐（林小明前妻趙雪英）屋企拜年，佢收到好多紅玫瑰，唔知邊個送。」
採訪、攝影：JessicaNgan