【返母校聲援】王宗堯撐學弟築人鏈 翻版謝安琪：學校不是教埋沒良知
蘋果日報 2019/09/09 13:11
王宗堯人鏈趙詠瑤翻版謝安琪
特首林鄭月娥上周只宣佈撤回修訂《逃犯條例》，但對其他訴求置若罔聞，好多市民都唔收貨，加上克警繼續肆無忌憚濫權濫捕，全港逾120間中學學生、校友今早發起聯校人鏈活動，希望政府回應五大訴求。
王宗堯今早響應呼籲，戴黑色口罩重返母校英華書院為學弟打氣，貼相上IG並留言：「溫馨校園計劃。」其中一張相見到兩名full gear學生，手執「遠離黨鐵 珍惜生命」紙牌，網民都留言叫加油。《蘋果》聯絡王宗堯問跟學弟分享了甚麼？會否參與「913香港之路」人鏈慶中秋？他以短訊回覆：「大家上下一心...名校都唔一定要跪低...更加要顯得勇敢」。
而曾參選ViuTV選美節目《美選D.n.A》的「翻版謝安琪」趙詠瑤，都有在王宗堯的post留言：「好眼瞓，食埋個M記要補一補」原來她今早返母校聖母書院聲援，在IG Story貼相並留言：「啱啱喺學校走嘅時候，見到有5個家長圍着2個副校，好似投訴緊啲咩咁，但2個副校都不忘同舊生們微笑講再見，辛苦各位老師了。學校教我們純潔仁愛，而不是埋沒良知。」
趙詠瑤跟抗爭者同一陣線，不時在IG為他們打氣：「我仲相信香港有救的，因為有你們...」、「我們不想放棄屬於我們的香港，但我們很明白...今時今日的香港...已經唔再適合香港人住了...睇住噚晚元朗區一段段嘅短片...到底甚麼是黑，甚麼是白？小時候，好多人嘅志願都係做個好警察...現在，好多人嘅志願都只會係想讀好啲書唔好做警察...」
同學full gear抗議黨鐵（IG圖片）
王宗堯今早返母校聲援學弟（IG圖片）
學生築人鏈（IG圖片）
王宗堯和同學（IG圖片）
「翻版謝安琪」趙詠瑤支持抗爭者（IG圖片）
趙詠瑤指學校教純潔仁愛，而不是埋沒良知。（IG圖片）