當年今日
關於我們

現代Getz香港傳媒給予高評價

蘋果日報 2003/01/27 00:00


早前,我哋《車天車地》版率先披露過嘅全新現代Getz城市小車,亞Mark曾經同讀者提及,新車經已於去年底秘密抵港嘅消息;惟有口痕友問點解唔見你哋有試車報道,係咪因為Getz係韓國車,所以有厚此薄彼嘅情況出現呢?咁就梗係唔係啦!我哋個四眼編輯同亞Mark講,話皆因代理首部DemoCar只屬普通標準版,為遷就本地汽車刊物出版需時嘅關係,所以一班周刊或月刊嘅傳媒,會有提早試車嘅機會,而我哋《車天車地》版由於屬報刊關係,遲吓代理會安排豪華版嘅Getz作實地測試咁話喎!亞Mark聽聞部份提早測試Getz嘅傳媒朋友話,呢部韓國新一代小車造工精細賣相又吸引,兼且重有唔錯循迹同操控性,若然車價可Set響8萬元上落的話,今勻韓國車就好有出位嘅先機喇!