近排金融圈嘅熱門話題，相信除咗估股神畢菲特昅中邊隻中國股票，就輪到摩根大通首席經濟學家龔方雄上個禮拜二發表嘅「4000億救市報告」。報告唔單止哄動大陸同香港金融界，仲惹嚟同行美林公開炮轟，連超人李嘉誠亦忍唔住話：「如果有人利用呢啲消息賺錢，就真係罪過！罪過！」
噚日，主角龔方雄終於出嚟回應，據外電報道，龔生話：「早前表示中央可能推出2000億至4000億刺激經濟方案，只是個人建議，並非政府觀點。」佢仲話個數已經好保守。不過，上個禮拜龔生份報告明明寫住，政府高層正認真考慮一項刺激經濟方案，橫睇掂睇都唔似個人建議。

純個人意見非政府觀點

龔生嘅原文如下，「ThetopleadershipiscarefullyconsideringaneconomicstimuluspackageofatleastRMB200-400billion.」唔通龔生識玩占卜，唔單止猜到中央會準備救市，連用幾多億都估到咁利害。
不過，中央都仲未宣佈點樣出手救市，你就快人一步講咗出嚟，咁分分鐘係「洩露國家機密」，你知「洩露國家機密」幾大罪，如果龔生因為一份報告要惹上「洩露國家機密」罪，你話幾唔抵。難怪要出嚟「沙個冧」，澄清話係個人建議，並非政府觀點。
李華華
電郵：mailto:[email protected]