側田攬傅穎心繫千嬅
蘋果日報 2006/10/23 00:00
側田前晚在澳門綜藝館演出一場「側田OneGoodShow澳門演唱會」，與香港個唱一樣，側田找來周汶錡及傅穎（Theresa）以性感衣裝伴舞，今次沒有穿婚紗出場的千嬅，在台上不停嘲笑側田的台風。後來側田介紹黃柏高明年力捧的男新人小肥。
講心唔講金
側田獻唱《情永落》及《明星》時眼濕濕，而他走近觀眾席時，竟有怪手在他下體附近伸出，幸好未有被偷襲，事後側田說：「澳門人係好熱情，我唱親《明星》都會眼濕濕，因為諗起哥哥（張國榮），同埋我細個時同家人嘅嘢。」談到千嬅將過檔東亞娛樂，側田說：「唔理乜事，我都會照搵佢。」問他會否感到不捨得，側田說：「未知，又唔係離開香港，我哋私底下冇傾過。」
對於千嬅離巢，Paco說：「暫時冇進展，金牌廣州個騷因批文遲咗，先可以做TVB個騷，唔係為咗幫千嬅爭女歌手獎。」問他會否加酬勞挽留千嬅，他說：「我哋公司窮，講錢我哋冇錢，睇有冇緣份啦。」
採訪：李珮洳 攝影：陳偉權
對於千嬅離巢，Paco說：「暫時冇進展，金牌廣州個騷因批文遲咗，先可以做TVB個騷，唔係為咗幫千嬅爭女歌手獎。」問他會否加酬勞挽留千嬅，他說：「我哋公司窮，講錢我哋冇錢，睇有冇緣份啦。」
採訪：李珮洳 攝影：陳偉權
吳雨霏（箭嘴示）特地到澳門為側田打氣，在觀眾席嗌破喉嚨，不怕傳緋聞。
快將離巢的楊千嬅（右）前晚擔任嘉賓，但已沒有再扮新娘。
側田雖以歌會友，但也有性感女舞蹈員出場增添氣氛。