香港黑社會可能是最善於利用資訊科技的不法分子，劈友晒馬會在網上炫耀社團威水史，還利用MSN「收𡃁」，社團人士在網絡世界橫行，有外地網民以為香港是個遍地黑社會的地方，「有個上海女網友問我，香港黑社會係唔係好勁？」

網民「小熊維尼」結識了一個內地女網友，「佢住上海，係女仔，經常睇香港電影，接觸唔少港產黑社會片，好似《黑社會》、《古惑仔》，佢睇得多，可能睇到入晒腦，覺得香港黑社會好勁。」他說近日這名女網民問他，「香港係唔係周街都見到黑社會人物，又好奇想知係唔係所有店舖都要畀保護費。」

黑幫電影損港形象

網友得悉這消息，都說黑幫電影威力強勁，損害香港形象，萊馬斯丹說香港黑幫當道形象，都是被人吹噓出來，「勁唔勁我就唔知，不過我個朋友成日都話佢大佬好勁，咩新義安、14k，但真實就好少見。」thunwu覺得，黑幫勢力在回歸後式微，「以前就好勁，但回歸前幾年和回歸之後，香港黑社會勢力，已經再沒有以前咁強盛。」
網民「中原一粒冰」指出，現在很多所謂古惑仔只是烏合之眾，「其實咪又係要搭地鐵、巴士嘅小市民，唔止大陸人，好多香港人都畀電影誤導，早前有個儍仔喺網上自認係黑社會俾人拉，就係俾呢啲電影害死佢。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。

一經採用可獲酬100元
請附姓名、電話及電郵地址，電郵到：[email protected]