【光復區會●佐敦南】山竹啟發從政夢 陳梓維因葉傲冬一句話參選
蘋果日報 2020/01/08 00:03
陳梓維不時與女友「情侶檔」工作。何家達攝- 素人的資源有限，陳梓維擺街站前，用鉛筆寫上「派發月曆」四字。何家達攝
- 素人的資源有限，公民黨余德寶向陳梓維提供100個月曆派發街坊。何家達攝
- 余德寶與陳梓維一起派發月曆，又向街坊介紹陳梓維。何家達攝
- 余德寶與陳梓維一起派發月曆，又向街坊介紹陳梓維。何家達攝
- 麥小姐認為陳梓維非常有熱誠，雖然難免擔心他是一張「政治白紙」，但認為佐敦南的街坊接納程度大，又會一起幫助他完成各類工作。何家達攝
- 居住佐敦南20多年的Linda票投陳梓維，全因希望想要新氣象，「佢唔得，四年後咪剔佢走囉！」何家達攝
- 何家達攝
手寫政綱、波衫、不擅辭令，令陳梓維看上去與「從政」完全拉不上關係，但原來他早在十年前已參與遊行，為自己權益發聲，更因山竹及葉傲冬鞏固其參選區議員的念頭。
因會考改制不做港豬
陳梓維原本是末代會考生，2010年面臨會考改制變成香港中學文憑試（DSE），有感自己前途受威脅，「我哋擔心如果要repeat（重讀），就要讀DSE，我哋未必會銜接得到」。他繼而開始感受到勇於發聲的重要性，更參與過有關反對修改制度的遊行。
不過，萌生參選的念頭，卻要數到8年後的山竹襲港一役。陳梓維不時有做義工服務，超強颱風直捲香港後，他曾到東平洲做服務，發現遍地磚瓦，所有樹木和房屋都倒塌，「但係個政府依然不聞不問，令我有感觸出嚟選」。
選擇落戶佐敦西後，去年再爆發反送中運動，陳亦一度與其對手，民建聯葉傲冬正面交鋒，質問其對反送中運動的立場。當時葉回答政黨的立場就等於其立場，「咁我唔使再問啦，都知你咩立場」，又認為區議員作出取態前，應向街坊作全面的諮詢。
硬撼建制派勁敵 「輸住拉票」
雖然希望打動街坊，但要撼動的畢竟是建制派第一大黨的明日之星，陳笑言：「我係諗住輸㗎，我拉票都係輸住咁拉，本身都只係想提啲人11月24號去投票。」直至投票當晚，得知有近3,000人投票，才估計自己或有些微勝算，最終以65票之微擊敗葉傲冬。
家庭一藍一黃 街坊撐爆
陳梓維當選後一夜走紅，原來其父母亦是在他當選後，才知道兒子跑去參選區議員，「就算我唔參選好多人都會參選啫，就算我同屋企人講都無乜大分別」。
陳的父母分開居住，他指兩老是「一藍一黃」，父親政見與自己較為相近，母親則因他當選覺得有點尷尬，「因為我立場係……會反對某些自己唔認同嘅事，佢就一向都係撐政府嗰邊，佢就唔知支持定反對好囉」。不過，面對兒子晉身成為區議員，父母反應亦如出一轍，「都係叫我畀啲心機去做」，不太熱烈。
相反，同區區議員及街坊們對陳梓維則愛護有加，公民黨富柏區區議員余德寶更向陳提供100個月曆派街坊。余憶述自己是在油尖旺區民主派候選人誓師大會中，與陳首度見面，笑言：「當時印象係……有啲不修邊幅。」不過，他大讚陳進步很快，「而家佢好勇敢，你一個人都開到街站唔係咁容易，特別喺佐敦呢啲紅區，比其他區更加大挑戰」。
居住佐敦南20多年的街坊Linda票投陳梓維，全因「想要啲新氣象」，認為年輕人至少有一兩年願意打拼。她指，當時看見陳自己一個在擺選舉街站，覺得陳「好勇」，「喺呢個區喎，你一個人喎，唔值得支持咩？」又指不擔心其做事能力，「有時會考0分先會破斧沉舟，可能仲好啲，唔好睇低年輕人」。
麥小姐雖然不是佐敦南的選民，但亦有呼籲父母票投陳梓維，「我係因為佢政綱先投佢，唔關手寫事，反而內容最重要」。最能打動她的，是陳在街站及網上專頁都能表現出其熱誠，「見佢幾日都企喺度（街站），上網又有不斷提佢嘅宣傳工作，幾時會落區接觸唔同嘅人」。麥坦言，陳梓維屬一張政治白紙，難免會擔心其能力，但認為街坊將會與他齊上齊落，「我相信我哋呢區接納程度都好大，加上我哋都會幫手，唔係得佢會努力，我哋會一齊去努力」。
記者 盧珮瑤