今午王維基約於四時半左右於網上宣佈舉行記招，並馬上請來港視一眾合約台前幕後齊齊返公司，公告喜訊。已返回公司的包括姜文杰、陸駿光、曾偉權、駱應鈞、張松枝及馮素波等。眾人顯得歡天喜地。王維基記者會大約維時五十分鐘，一眾藝人就齊集公司canteen靜候佳音，並與王維基合照留念。

姜文杰方才都有出席記招，現場直擊，只見他神情激動，更流下快樂的眼淚。他說:「今日五點收到電話，知道有消息公佈，但返到嚟都未知乜嘢事，只知道係正面消息。」對於王維基宣佈擬逐步聘回之前被裁之320名員工，姜文杰歎道:「真係百感交集，好感觸，好感動，因為大家一直以嚟嘅努力，依家終俾人見到。」

姜文杰與妹妹姜麗文同屬港視，之前不獲發牌，令港視員工亦感到徬徨，姜文杰表示:「之前我同阿妹嘅事業都唔知點算，依家王生呢個決定，係開創一個新世界，希望大家多啲支持，自己亦好感動，可以睇到希望。」

對於王維基今次選用流動電視平台播放，姜文杰謂:「同免費TV呢個舊方式相比，係多咗選擇性，你可以話係新，亦可以話係舊。年輕人可以選擇自己想睇嘅嘢，相信年輕人覺得好睇嘅話，會教父母點睇。」