美國搖滾勁旅BonJovi將於本月底去澳門舉行兩場演唱會,不過原定下星期一及四嘅上海及北京站演出,日前忽傳取消,而內地搞手AEGLiveAsia噚晚發表聲明,證實上海同埋北京舉行之演唱會,因「無法預料的原因」取消,會安排退票。
對於BonJovi首次嘅中國演唱會突然被內地當局取消,據中國《金融時報》報道指,中國文化部發現BonJovi曾於2010年舉行台灣演唱會時,台上螢光幕播出達賴喇嘛照片,也曾經發佈關於達賴喇嘛嘅留言,於是叫停今次演唱會。該報又稱,主辦機構曾設法讓當局改變決定,但最終失敗。
隊中主音JonBonJovi早前趁七夕,主動提出要送首中文歌冧樂迷,繼而揀咗唱鄧麗君嘅經典歌曲《月亮代表我的心》,仲打算準備喺內地騷上獻唱,真係嘥心機。