菲律賓總統阿羅約夫人（GloriaMacapagal-Arroyo）近日嚟咗香港，前日約咗煲呔喺下榻嘅金鐘港麗酒店會面。阿羅約此行目的係招商，但招得最多嘅唔係商人而係警察。民陣召集人孔令瑜話，前日有約20個本港菲律賓傭工同團體代表到場示威，抗議阿羅約政府貪污，點知警方如臨大敵，竟然派出成200個警員，又有大約20幾個疑似保護要人組G4探員「招呼」佢哋，粗略計最少20個警察對付1個示威者，令人質疑浪費警力。
孔令瑜又話，警方要求示威者去示威區，而示威區竟然設喺香港公園，隔到咁遠，警方即係要示威者向空氣抗議，佢哋當然唔肯啦。