民主黨換咗黨魁之後,上星期就開咗第一次黨團,唔知係咪新人事新作風,做事特別有效率,第一次會就傾一直視為黨內禁忌嘅立會參選名單。八方聽聞黨團話要研究分拆名單,第一個要睇一睇竟然係主席楊森嗰區,而提出嘅好似話係前主席李柱銘!第二個話要研究、研究,就係肥仔李華明嗰區。
有民主黨成員話,𠵱家楊森身為主席,排第二始終唔係好妥,研究吓都係應該,但八方知分唔分隊真係可大可小,上次立法會選舉,就係因為呢個問題搞到有人退黨,再加埋肥仔嗰區又涉及華叔問題,華叔都未表態退唔退休,當日佢老人家又身在台灣,冇開黨團,咁快研究分隊梗係會引起黨內不必要聯想。
傳真︰2623-9278
電郵︰
[email protected]