楊千嬅拎完歌曲獎之後喺後台受訪，記者猛話佢瘦，佢就話自己有110磅重，又話嚟緊個演唱會有好多體能要做，之前老公丁子高話佢輕到比風吹走，但佢話:「我明明成座山咁，所以要keep到務求被風吹起為止。」

千嬅話啲時間過得好快，克勤講啲嘢又令佢有啲心虛，因為克勤話o依家可能只係班年輕觀眾啲阿媽爸先鐘意聽佢哋啲歌，千嬅話:「冇理由咁差掛，今晚氣氛都係好好。」問到係咪好多唔熟嘅歌手，佢話:「我又真係唔好意思，新嗰班真係第一次見，但有啲成日有聽，好似林奕匡嘅《高山低谷》同AGA嘅《一》我都好鐘意，丁生真係幫手推動樂壇，同我講「有隻新嘢好正」，介紹林奕匡比我。」