【英國設計師傑作】螢光褸尿片褲未夠搶 G.E.M.蛆蟲裙嚇到縮
蘋果日報 2016/09/30 16:44
蛆蟲裙時裝車禍25LOOKS尿片褲螢光尿片
G.E.M.啲戰衣出過唔少事，但仍然好鍾意同佢位設計師Emma合作。- 呢條蛆虫裙，真係好驚嚇。
- 連背脊都喺蛆虫。
- 仲有呢件，着螢光毛毛褸同尿片褲跳舞？
- Emma話G.E.M.呢個四眼學生妹look好fuuny。
- Emma周不時都喺Ig支持G.E.M.。
着住小背心紮起「哪吒髻」係咩玩法？呢點真係要問過「宇宙巨G.E.M.」鄧紫棋同佢位英國時裝設計師Emma Wallace先知。雖然G.E.M.對呢個哪吒造型仲識講笑話係偏門靈感，不過，睇番佢哋咁多年合作開嘅時裝車禍，真係......好精彩。
先講番啲近嘅，今年4月佢喺大陸行出席音樂頒獎禮，以為着住deep V裙就一定性感？但條裙彎彎曲曲刺繡佈滿全身，驟眼睇以為一條條蛆蟲爬咗上身，睇見都忍唔住縮一縮。
印象深少少嘅，又係內地音樂頒獎禮，宇宙巨G.E.M.上半身披住件螢光綠毛毛褸襯襯粉紫色push up bra外罩魚網，下半身更加係離奇地着住條高腰白色熱褲，十足十同藥房賣嘅成人紙尿片一樣樣，當時Emma就形容套衫係：「colourful happy rave look.」完全當條尿片褲唔存在咁。
另外一套又係得G.E.M.同Emma識欣賞嘅打扮，就係《新的心跳》MV入面，涉嫌抄襲Katy Perry舊歌《Firework》嘅呢個四眼妹造型，雖然呢個look娘到爆，但Emma話覺得係：「fun styling Geeky G.E.M.」