當年今日
關於我們

琪人琪事:選碧咸利多於弊 - TOBY梁靖琪

蘋果日報 2006/09/24 00:00


我有好多好鍾意踢波嘅朋友,都講緊前英格蘭國家隊隊長碧咸,咩嘢事?就係佢未能入選國家隊囉,真係非常可惜呀!
冇咗碧咸嘅英格蘭都能擊敗對手,都算可喜可賀喇。不過,碧咸仍然對自己非常有信心,並認為麥卡倫不選他是錯誤嘅決定。
傳中球成功率高
而我嘅見解呢?碧咸喺國家隊利多於弊,好嘅地方就係因為佢嘅傳中球成功率好高,開罰球落點又準,根本唔使擔心無波入!壞處就係雖然佢𠵱家仲可以係比賽中跑來跑去,但係畢竟佢都已經31歲,可能冇咁嘅體力去應付咁多場比賽。
我個人就好希望,碧咸可以繼續穿上英格蘭球衣,話晒佢都咁多次代表國家隊呀,唔知會唔會再有為國家隊上陣嘅機會呢?唔通老咗先嚟後悔咩!
不過,代替碧咸打中場嘅夏格維斯,前排勇戰受咗傷,賽後檢驗證實左腳小腿骨骨折,將肯定缺席下月初兩場歐洲國家盃賽事。到時睇吓領隊會唔會諗番起碧咸啦!
TOBY梁靖琪
走出女生宿舍依舊人氣高企,不惜捱更抵夜睇波。