【新增內容】

家陣啲星二代——講緊BB級嗰批，好多好人仔細細但勁搶鏡，其中一個就係黎諾懿個寶貝仔「小春雞」黎峰睿。就快4個月大嘅「小春雞」，已經牙牙學語，早前仲獲封為「型B」。（新聞連結： http://bit.ly/2vKnfGS ）

點知，「型B」都有被打敗嘅時候，日前黎諾懿喺facebook留言話「小春雞」人生第一次發燒，見到「小春雞」個樣好慘慘豬咁……

今日「小春雞」同爹哋黎諾懿及媽咪李潔瑩齊齊現身銅鑼灣，不過佢哋唔係行街街shopping，原來係去睇醫生。黎諾懿喺行去診所期間，遇到公司啲同事喺度開工，於是乎喺條街度傾咗幾句，之後再行上去睇醫生，唔知阿仔o依家嘅情況又係點呢？黎諾懿話：「阿仔係尿道炎，之前睇咗醫生，已經退咗燒，今次係去覆診。」雖然o依家係流感高峰期，但係黎諾懿話唔會太擔心，跟住齊齊上去診所，不過臨走前都有講句：「唔該晒！」

啱啱黎諾懿喺fb再貼相，係佢抱住「小春雞」瞓覺嘅冧樣，佢話：「小春雞病了四天，今日終於生猛番少少，全家都累了。」

好好唞吓喇！