周中以英格蘭聯賽盃主打，呢啲場合充滿變數，特別係有名氣嘅球隊，派咩球員落場都唔知，盲目追捧強隊有一定風險，寧可投注戰意鮮明嘅意甲聯賽。
AC米蘭負分開季，要重奪聯賽冠軍，真係每一場都唔可以失分；開季表現亦十分對辦，兩連勝外，被譏笑嘅老人防線，亦只失1球；特別馬甸尼打番中堅，配合尼斯達，信心真係有啲保證。
今次AC米蘭再喺無敵主場對阿斯科利，阿斯科利作客都可以輸得畀阿特蘭大，對住卡卡、恩沙基、施多夫等大勇AC攻擊球員，點頂得住。立博開出主客和，AC米蘭單W只得1.14倍，亞洲盤更讓到兩球高水，睇盤贏波冇問題，不過亞洲盤有走盤可能，足智彩只開「讓球主客和」[-1]，AC米蘭變相只讓球半，賠率雖只得1.53倍，仍然穩陣。

羅國戰和波熱透

同日最強戲碼，當然係羅馬對國米，羅馬3連勝，而且有愈贏愈易嘅感覺，不過睇番上仗戰情，係對手上半場已經打少一個，羅馬下半場先入到波。況且羅馬近季主場對國米，都冇咩甜頭，羅馬近4次主場對國米，只錄得3和1負。
國米上仗只憑對方「烏龍球」迫和森多利亞，不過講真，以國米實力，羅馬真係冇權贏到佢；睇番立博開出呢場和波賠率只得2.8倍，和波味濃，足智彩開出羅馬讓平/半，博下盤。
立博亞洲區首席博彩顧問謝利
電郵：[email protected]