韓劇《Doctors》28歲女星朴信惠，早前飛到紐約出席時裝周，並為雜誌《BAZAAR》影新相兼受訪。朴信惠於相中換上多套服裝，不乏晒美腿誘人。

隨後受訪中，朴信惠表示私下嘅自己更鍾意中性打扮：「比起着裙，我更鍾意着jacket、牛仔褲、帽T，簡簡單單已經好好睇。」朴信惠又指：「以前以為10至20歲係美好嘅，但長大後發覺，20至30歲嘅自己先係最靚，因為過去努力、認真工作嘅辛苦，堆積成就今日嘅美麗。」

朴信惠前年拍完《Doctors》後，去年又有韓版《全民目擊》嘅電影上映，唔少粉絲都期待佢嘅新作，朴信惠就稱：「尚未決定回歸作品，但亦冇決定一定要拍咩題材。不過喺韓版《全民目擊》中飾演律師，好想再嘗試一次。」

更多韓流，喺晒《娛果》
http://fb.com/appledailyent