搵兩大高手服侍自己!沈集成密謀十‧一搞旺個場
莫雷拉潘頓沈集成四季旺
兩大高手莫雷拉(紅星帽)及潘頓(啡帽)一齊服侍沈集成(最左)。
練馬師沈集成在9月3日開鑼日憑「四季旺」捧走特首盃,今朝(28日)此駒就由莫雷拉策騎於草地1800米起步處一段直路進行拍跳快操,為出戰周日(10月1日)第八場慶典盃鋪路,作伴廐侶則是潘頓座騎「華麗再現」,兩駒試來均相當醒神。
講到動態方面,倉主在烽火台頂樓睇完兩匹戰馬拍跳考驗後,即匆匆趕返上落馬沙圈接馬,並輪住向兩位騎師問長問短,動靜對辦。
呢對沈廐賽駒實力唔差,「華麗再現」出戰周日第二場三班1800米強項途程,而「四季旺」則列陣第八場三級賽1400米慶典盃,後駒過往兩戰同程未逢敵手,睇嚟此倉口有機會在大賽日揚威,實有留意必要。