英文名同叫Rain的李彩華，看過韓劇《浪漫滿屋》後，迷上人氣偶像Rain，指他十分符合其擇偶條件。李彩華向Rain大送秋波，表示渴望有機會合演情侶，絕不擔心打翻緋聞男友蕭定一的醋埕。

李彩華對於與韓國當紅偶像Rain擁有相同的英文名，感到好榮幸，對方日前來港大展不凡魅力，李彩華自言十分渴望不久將來有機會與Rain合作。

拍床戲都願

李彩華表示早前在內地拍劇期間，她狂煲Rain和宋慧喬合作的韓劇《浪漫滿屋》，她說：「Rain雖然眼細細，但佢個樣好可愛，加上身形真係好fit，我聽過啲歌，佢真係好有才華，跳舞又出色。我好恨可以有機會同佢合作，影迷都話我哋嘅外形都好襯，所以我哋最好就係扮情侶！」
若劇情需要李彩華跟Rain拍床上戲和接吻戲，她可介意？李彩華說：「總之要睇劇情需要，合理就冇所謂。」

幻想獲示愛

李彩華直言Rain完全符合她的擇偶條件，她說：「無論外形同才華，佢都符合我嘅要求。如果佢向我示愛，我一定即刻應承佢。」李彩華此言，難道不怕打破緋聞男友蕭定一的醋埕？她說：「怕乜嘢，我哋普通朋友關係，我覺得女仔交多幾個朋友都唔怕，我唔擔心佢會呷醋。」
採訪：比華利
攝影：陳偉權
服裝：SistyrMoon