自從男友杜德偉在平安夜被懷疑藏有大麻，被警方拘捕及以五百元擔保外出後，周汶錡（Kathy）一直逃避傳媒，未就此事回應。昨日她與湯盈盈和李嘉慧等出席慈雲山中心的珠寶show，首次開腔回應。Kathy表示發生此事後，男友一直身在內地工作，兩人有通過電話，她表示男友與她心情均沒受影響。
不煙不酒
問她男友杜德偉是否一直有服食藥物的習慣？Kathy說：「我唔答呢啲嘢，佢不嬲係一個健康嘅人，唔煙唔酒，至於點解喺佢身上搜出大麻，就要等警方調查啦。」
問她杜德偉會否誤交損友，被人嫁禍？Kathy說：「佢咁大個人唔會誤交損友啩，總之未查出結果我都唔方便講咁多，不過我絕對信任佢同支持佢。」但她表示自己工作繁忙，未能抽空往內地陪伴男友。
少蒲為妙
至於杜德偉母親張露入院一事，Kathy說：「我打過電話畀auntie啦，佢係轉天氣咳兩聲入院啫，唔係報道寫到咁誇張。」而杜德偉兄長杜德智年前亦曾因藏有大麻而惹上官非，問她會否覺得兩兄弟均很黑仔？Kathy說：「唔可以咁講嘅，不過夜店人多複雜，以後都可能蒲少啲啦。」最後她亦笑說，發生此事今個聖誕節的確特別難忘。