隔牆有耳：興奮試玩VR遊戲
齊昕被綁架 叫爸爸 - 李八方
蘋果日報 2016/07/27 00:00
潮流興玩VR（virtual reality，虛擬實境），八方同動漫服飾設計師Lilian都唔執輸，噚日請咗周庭、楊岳橋同埋鍾樹根嚟堆填區試玩未有得賣嘅VR裝置同香港未曝光嘅恐怖遊戲《Kitchen》，全程直播。最令廣大讀者甚至八方都估唔到嘅，梗係「香港第一女兒」梁齊昕答應同《蘋果》一齊瘋狂打機啦！
話說八方上周忽發奇想，託朋友問齊昕有冇興趣試玩VR，勢估唔到佢好爽快一口答應，可惜噚日唔得閒，惟有早兩日率先試玩。第一次試VR嘅佢一戴眼罩就嘩嘩聲，話比想像中更加真實，仲興奮到將360度講成「365度」。
齊昕玩咗兩隻game，《Until Dawn》要坐礦車穿過血腥屠房同時射退喪屍，佢一啲都唔驚，仲嫌過山車唔夠激。第二隻係有女鬼襲擊嘅《Kitchen》，齊昕全程極度冷靜，見到遊戲角色俾人綁架，仲反問「係咪要對住佢講：爸爸（梁振英），你要攞幾多錢過嚟（贖我）？」
話說八方上周忽發奇想，託朋友問齊昕有冇興趣試玩VR，勢估唔到佢好爽快一口答應，可惜噚日唔得閒，惟有早兩日率先試玩。第一次試VR嘅佢一戴眼罩就嘩嘩聲，話比想像中更加真實，仲興奮到將360度講成「365度」。
齊昕玩咗兩隻game，《Until Dawn》要坐礦車穿過血腥屠房同時射退喪屍，佢一啲都唔驚，仲嫌過山車唔夠激。第二隻係有女鬼襲擊嘅《Kitchen》，齊昕全程極度冷靜，見到遊戲角色俾人綁架，仲反問「係咪要對住佢講：爸爸（梁振英），你要攞幾多錢過嚟（贖我）？」
齊昕玩恐怖遊戲處變不驚，冷靜射退喪屍。何柏佳攝
Tree根睇初音：係小鳳姐就正
比起齊昕嘅大膽，噚日試玩嘅嘉賓就有啲失威。周庭玩《Kitchen》時多次尖叫，仲要雙手掩頭，俾女鬼嚇到心驚驚；到岳少玩嗰陣仲誇張，驚到失控叫「oh shit！」
Tree根玩《Until Dawn》嗰時一粒聲唔出有啲緊張，去到射喪屍仲卡關；岳少就玩到呱呱叫，佢話最好玩係坐過山車會有離心力。
去到身處演唱會現場嘅《初音》，熟悉日本流行文化嘅周庭聽住歌曲哼好開心。Tree根亦投入到彈起身，係咁揮支控制器螢光棒，話台上「如果係真人，好似小鳳姐就正」。
想試PS VR嘅周五起可以喺動漫電玩節SONY攤位試玩，據了解現場仲有1,000個walk-in名額。
李八方
mailto:[email protected]
Tree根玩《Until Dawn》嗰時一粒聲唔出有啲緊張，去到射喪屍仲卡關；岳少就玩到呱呱叫，佢話最好玩係坐過山車會有離心力。
去到身處演唱會現場嘅《初音》，熟悉日本流行文化嘅周庭聽住歌曲哼好開心。Tree根亦投入到彈起身，係咁揮支控制器螢光棒，話台上「如果係真人，好似小鳳姐就正」。
想試PS VR嘅周五起可以喺動漫電玩節SONY攤位試玩，據了解現場仲有1,000個walk-in名額。
李八方
mailto:[email protected]
Tree根睇初音演唱會非常投入，彈起身狂揮螢光棒。
周庭俾女鬼嚇到尖叫，旁邊岳少笑得好開心。