浸大校長陳新滋竟然大膽到講毛主席壞話？話說佢噚日出席一個論壇，致辭時引述英國前首相戴卓爾夫人一句話，「中國人對世界不可能有太大影響，因為根本沒有哲學家」，以為佢乘機貶英抬中啦，點知佢話戴卓爾夫人咁講有道理，因為建國以嚟一段長時間，「我們都是讀毛主席的書、聽毛主席的話、照毛主席的指示辦事」，話喺咁嘅環境下，要產生哲學家有困難。踩完老毛仲未夠喉，佢之後話大陸有地溝油、毒奶粉、連雞蛋都造假，所以要推廣國學教育下一代喎。嘩，陳校長連番講出中共治下事實，唔怕被台下嘅外交部駐港特派員公署副特派員姜瑜向北京打小報告咩？