荷李活超級女星安琪蓮娜祖莉（Angelina Jolie）自從同前夫畢彼特（Brad Pitt）離婚之後，感情生活一直空白。

早前有傳媒就驚傳佢打算秘嫁英國富商，建立第4段婚姻，仲指該富商熱心於政治同救助難民，同佢非常之夾，安琪蓮娜主動求婚，又話打算同佢收養BB咁話，有指安琪蓮娜會盡快同畢彼特辦離婚手續，於暑假喺倫敦一個大宅舉行婚禮，仔女都會參與，前夫畢彼特都戥佢開心。

不過澄清錯誤傳聞嘅媒體《Gossip Cop》已經全盤否認呢件事，指由安琪蓮娜親密友人口中得知，此事全屬流料，安琪蓮娜冇打算同任何人結婚，呢刻更冇興趣同任何人拍拖。