現年25歲韓國女星金高恩，近日因為孖孔劉拍攝人氣韓劇《鬼怪》而人氣上升，單眼皮嘅佢已經多次被指跟韓劇《灰姑娘與四騎士》女星朴素丹撞樣，近日有傳金高恩有個藝人細佬，真係？

韓國男團「一級秘密」，當中18歲成員李庚河就跟金高恩非常似樣而引起關注，近日韓網亦出現以「一級秘密庚河跟金高恩酷似」為題嘅照片，單眼皮嘅庚河瞇眼笑時，最為撞樣金高恩，加上庚河一樣都係膚色較白，有少少baby fat，甜美形象跟短頭髮嘅金高恩好似，網民都留言「兩人完全一樣」、「仲以為係金高恩細佬呢」、「稱佢為男版金高恩吧」、「庚河笑的樣子跟金高恩如出一轍」等。唔知金高恩本人又點睇呢？