日劇《海女》主角能年玲奈年前因為同事務所LesPros Entertainment嘅合約糾紛，佢一度被封殺，影響喺藝能界發展，後來告聲演賣座動畫《謝謝你，在世界角落中找到我》女主角再度帶旺人氣，工作量漸漸增多，日前更宣佈加入樂壇。

能年玲奈近日仲為雜誌《映畫秘寶》封面人物，化身神奇女俠接受訪問。今次能年玲奈係參與雜誌一個關於「變成為英雄」嘅連載，去介紹新舊嘅英雄電影，佢話自己嘅神奇女俠造型係融合咗兩代神奇女俠，即由蓮達卡特演繹（Lynda Carter）飾演嘅70年代版，同姬嘉鐸（Gal Gadot）飾演嘅現年版本神奇女俠。