有政界中人表示,特區政府一直對中美貿易戰可能對香港經濟做成影響低調處理,特首林鄭月娥更以強硬態度應對美國要研究是否保留香港獨立關稅地位,這些舉動可能是出於向北京表忠,以示緊跟北京對美路線,但是他亦不排除港府真的低估貿易戰、檢討香港獨立關稅地位的殺傷力,「唔少商界都話睇唔到港府有乜應對方案講到出嚟,好似等殺到嚟先算咁,當然唔少商界唔認同咁嘅態度,你睇自由黨鍾國斌點講明年(今年)經濟下行風險高、叫政府快啲做嘢就知」。
另一專業界人士亦指,即使中美就貿易戰達成協議,「美國一樣用其他問題出手打擊中國經濟,唔會就咁停戰」,他預計美國國會很大機會將研究是否保留香港獨立關稅地位提上議程,屆時勢必對香港經濟做成震盪,「到時香港經濟下滑,開始出現裁員、減薪情況,林鄭政府先出手救就太遲」。
因此他們正密切留意,財政司司長陳茂波2月公佈預算案,會否提出一些應變方案,「不過我哋就唔樂觀,事關林鄭根本好似唔覺有問題,淨識叫人搞大灣區」。
季陶
周一、三、五刊出