用白蝦做，特別用啤酒浸過，入口有些少啤酒味。煮的時候加入了自家製的SeafoodBoilPowder，令蝦肉有丁點辣味，不過就調出蝦的鮮味。

鮮蝦加入卡真粉先燒，然後放上沙律上面，一齊食幾夾，亦襯到夏日的感覺。鮮蝦Size夠大，入口啖啖肉，蝦肉的鮮味亦好夠。

鮮蝦意大利麵只用白酒牛油同水瓜柳做，味道清淡，更突出蝦的鮮味。至於另一個麵的青檸忌廉汁相當特別，青檸清香配香滑忌廉，好夾蝦味。

這是餐廳最好賣的食品，用上馬凱魚同魷魚圈，再加上ParmesanCheese同JackCheese，煙韌加煙韌。細嚼下發現還加了粟米，有咬口又甜甜哋。

海鮮包括馬凱魚、炸蝦同琵琶蝦。最窩心的是師傅將琵琶蝦開了邊，唔使剝殼食，琵琶蝦蝦肉幾爽，蝦味十足。美中不足略鹹，吃完要不停喝水。

這道菜最特別是海鮮球，用上白飯、鮮蝦加芝士，入口脆卜卜，咬落又煙煙韌韌。而椰絲炸蝦亦值得一試，先是一陣椰香味，再蘸些少蜜糖汁，味道甜甜哋，又有椰子味。

白蝦剝了殼後，先用牛油同香草撈勻，然後炒，讓白蝦充份吸收牛油的香味。
蒜茸包加芝士粉，再蘸蝦汁放入口，就是這個菜的精華所在，啖啖肉又好味。

要食蝦，當然要搵煮蝦專家。所謂工多藝熟，每年煮過百噸蝦的阿甘蝦，可以稱得上是專家。阿甘蝦全球都有分店，每年都會特派專員到世界各地的養蝦場，搜購新鮮靚蝦王。因為會大量購買，品質自然可以控制得到。以今年為例，他們就專揀中國及東南亞的蝦做菜，大廚Frank話：「我哋每季都會搜購一次靚蝦，實地睇睇品質有無變，變得差就一定會改。不過今年中國蝦的貨源唔錯，品質又夠穩定。」

阿甘蝦的煮蝦方法特多，幾乎講得出的都有，一共12款做法，再將幾個做法結合，就會有19個結果。煮法夠多，亦要有個有經驗的大廚先可以煮得出，大廚Frank有25年煮蝦經驗，由他主理的蝦菜品質自然有保證，他說：「我煮咗25年蝦，好多款海鮮類的菜式我都煮過，不過最拿手都係煮蝦。西式蝦煮法最緊要係鮮蝦夠新鮮，蝦肉至有鮮味，煮出來先有蝦肉的鮮甜味道。另外，唔同配搭都會影響蝦的味道，咪以為起勢落調味隻蝦就好味，其實重點係點樣可以用調味調出蝦味。」有大師傅坐鎮，一定不會失望。

餐廳主要用兩款海蝦做菜，分別是白蝦同琵琶蝦：

白蝦一般是養殖的，品質較有保證。蝦肉較甜，雖然無虎蝦咁大，但肉質爽口。炒煎燒灼最好，打蝦膠做釀菜都得。

同龍蝦同種，不過蝦身較細而扁，肉就比龍蝦少，不過蝦肉味道甜且鮮而蝦味濃，最適合用來炸。

一入門口，彷彿進入了另一個世界，進入了ForestGump的世界。因為阿甘蝦其實根據電影《阿甘正傳》而設計的，餐廳內的菜式同設計，都是以美式家庭為主題。最特別是飲品的Menu是用上乒乓球拍做，皆因ForestGump最愛打乒乓球。

地址：山頂凌霄閣三層304-305號舖
座位：170個
營業時間：
星期一至三11am-11pm
星期四至星期日及公眾假期11am-10pm