問答題，足球壇，德國定墨西哥勁啲？相信冇乜人會揀墨西哥囉呵，但係奧運男足C組首戰，德國只能同墨西哥賽和2:2，痛失兩分喎，賭仔們跌晒眼鏡啦！

雖然呢隊德國唔係14年贏世界盃嗰隊，即係冇大牌球星湯馬士梅拿同奧斯爾等，但係都叫做有利華古遜新星祖利安白蘭特，同埋拿斯賓達等在陣，但係佢哋喺61分第2次失守，落後1:2，好彩喺78分鐘，靠馬菲亞斯真達建功，扳平2:2，唔使全失三分。

至於D組嘅阿根廷就真輸波啦，以0:2不敵葡萄牙，又係估佢唔到嘅戰果，球迷下次落飛前，真係唔可以用常理去推斷，要記住波係圓嘅呢個道理！