【新增內容及圖片】
噚晚係雅加達亞運男足決賽，由南韓對日本，最終南韓加時靠兩大新星李昇祐及黃喜燦各入一球，2:1擊敗日本，衞冕金牌。唔少韓星噚晚都有睇亞運直播，而且個個都睇得非常肉緊，得知南韓勝出後，亦紛紛於網上公開新相祝賀，當中包括韓劇《繼承者們》女星朴信惠、節目《Running Man》男星池錫辰、女星尹智敏、韓劇《回答吧！1988》男星柳俊烈等人。

而韓劇《認識的妻子》女星韓智敏噚晚更跟朋友一齊睇直播，之後興奮地跟電視機自拍，賀南韓勝出。

可能由於好多韓國人都爭睇亞運，令李秉憲及金泰璃主演嘅tvN劇集《陽光先生》(Mr. Sunshine)噚晚播出嘅第17集受到影響，收視勁跌超過7%，急跌至7.694%，成為劇集開播以來最低收視一集。

另外，雖然《陽光先生》仲有7集先大結局，不過劇組今晚就率先舉行煞科宴，金泰璃現身時更擺出開槍嘅手勢，非常可愛，而早前傳婚變嘅編劇金恩淑亦有現身。

更多韓流，喺晒《娛果》
http://fb.com/appledailyent