熱爆韓劇《繼承者們》嘅第二男主角金宇彬，今日一抵港，即發生Ｚ「兇」案，「死者」係——盆桔，因為被追星fans「泰山壓頂」壓爛嘅桔。但點追都冇用，金宇彬全程頭耷耷，之後仲戴埋口罩，極速走人，想見一面都難。不如等簽名會啦。

金宇彬今日個簽名會喺馬鞍山舉行，商場兩層樓都企滿晒人，大約有成千幾人圍觀，但只派200個籌。fans都好熱情，尖叫聲震耳欲聾，更有不少fans用韓文大嗌「Oppa」，連附近住宅高層都聽到，唔知有冇人投訴呢？

簽名會上，除咗有收fans禮物之外，金宇彬又大家玩遊戲後，仲……仲好慷慨咁，逐一抱抱。噢!!!!!

今次金宇彬來港，即晚就走，都冇時間觀光。佢話讀書嗰陣嚟過香港旅行，都去過好多名勝地方。佢透過翻譯話：「當時是減價時候，還趁機會Shopping。最想去山頂，之前李鍾碩去過，所以好想去睇。」