韓國男團BEAST早前因張賢勝退出，令六人男團變成五人團隊，不過BEAST未有因而受到打擊，今日仲出發去日本，舉行為期一個月嘅日本巡迴演唱會。今次巡唱以千葉縣為首站，之後會去新潟、名古屋、長崎、東京及大阪等城市，最後一站係廣島。今次日巡更係BEAST以5人姿態活動後嘅首次演唱會，意昧著BEAST會為粉絲展現嶄新面貌。

而BEAST成員孫東雲將於下周一生日，內地粉絲後援會就為佢親自製作咗廣告，並租下首爾地鐵江南站20塊LED電子廣告板為oppa慶祝。而東雲今日亦於Instagram公開新相，表示因為太攰而冇化妝，而尹斗俊亦公開成員喺日本嘅相，透露正準備去彩排。