麥長青（麥包）離開大台後，瓣數多多，除咗做鮑魚生意，最近又返大陸拍網劇，o依家就同顏子菲喺佛山拍《4度望遠鏡》，佢話呢個劇會用美劇手法拍攝，拍一啲智慧同科學未必解釋到嘅奇怪事。

麥包話今次係佢第一次同顏子菲合作，兩個人亦都係啱啱識，之不過佢哋喺劇入面演夫婦，據知有唔少嘅親密接觸，仲包括一場火辣床戲。麥包哈哈笑話：「好尷尬㗎！怕醜㗎！佢身材好好，睡衣又性感，今次真係要多謝團隊啦！」

麥包又解釋：「子菲喺劇入面做子失蹤咗13年嘅太太，嗰場戲係講我一個員工幻想出嚟，點到即止啫！哈哈哈哈！」麥包又講笑話嗰場係另類動作戲，拍攝時都幾辛苦：「我哋又要碌落地下，因為怕整傷同穿崩，所以都排咗幾次，真係好高難度㗎！」

問麥包拍呢場戲前有冇同老婆備案？佢又哈哈大笑話：「本來導演話好簡單㗎，點知去到咁……惟有話嚟唔切備案，返到香港至算啦！不過點到即止，相信太太明白嘅。」

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。