有份喺「一種關注」單元(UnCertainRegard)做評審嘅章子怡，頒獎禮於香港時間（下同）凌晨完結，可能就係因為睇晒啲片，偷得浮生半日閒，佢噚日朝去咗大會酒店Majestic附近嘅名店CHANEL閒逛，同行仲有一男一女助理。

子怡雖然素顏戴帽同黑超，但一入到去名店啲識員已經認得佢，仲派夠三個人服侍子怡，其中一個係講國語女性華人，同聲同氣，會唔會令子怡買多啲呢？

子怡喺店內逗留咗十分鐘左右，其間都有拎手袋、裙等等上手睇，但隨即發現有記者喺出面等緊，子怡就派男助手好有禮貌咁阻擋記者鏡頭，話子怡只係買嘢，叫記者唔好影。

著住運動鞋嘅子怡，則趁機極速跑番去大會酒店，唔使兩分鐘就返到去添。雖然子怡極速逃離名店，但係臨走前都有禮貌同工作人員講拜拜。

事後工作人員同記者表示子怡好有禮貌，又對記者以「最出名中國女星」形容佢，仲showoff子怡親筆簽名。問到子怡係咪買咗好多嘢，原來係一樣都冇買到...


逢周五隨《蘋果日報》附送嘅時尚美容雜誌《add》第四期經已出版，大家仲可以上《add》嘅官網 http://add.appledaily.com睇足本網上版。除咗有陳妍希專訪，仲有好多時裝靚嘢睇！