由朴寶劍同金裕貞主演嘅人氣韓劇《雲畫的月光》下周一就會播出第15集，而朴寶劍噚日下午就已開始進行錄音，據知當日錄音嘅氣氛好好，監製對朴寶劍嘅表演都大表讚好，預計OST將於下周一晚喺《雲畫》播出街後公開。

而朴寶劍近日憑劇集人氣急升，佢代言嘅服裝品牌就公開佢最新嘅廣告相，今次嘅主題仲以面試Look做主題，硬銷只要跟住朴寶劍嘅打扮就會成功搵到工，擺明要吸引年青人市場。

另外，朴寶劍一向被公認係有禮貌及品行好嘅藝人，佢圈中人緣亦好好，今日有工作人員仲公開咗朴寶劍為正在拍電影《與神同行》嘅車太鉉送上餐車，認真好兄弟。