歌手林奕匡今日喺商台宣傳新歌《停止繁殖》，首歌主題係講到現今社會生小朋友嘅壓力，計劃明年結婚嘅林奕匡，提到生BB就話不敢想像，佢話：「我一定會生，但係喺邊度生真係諗唔到，未諗到呢點，到時點真係唔敢諗。以前個個都覺得我唱嘅歌都好正面，連我女朋友聽完呢首歌都打個突，佢係我忠實fans，做音樂要不斷有刺激感，想畀驚喜大家。」

林奕匡仲講到呢首歌唱嘅時候好有難度，練歌練到聲沙，而呢首歌係同布拉格管弦樂團合作，之前佢就飛咗過去，佢話：「呢個trip係最開心一次，工作之外有好多自由時間，見識到當地管弦樂真係好專業。」