由朴初瓏、尹普美、鄭恩地、孫娜恩、金南珠及吳夏榮組成嘅韓國女團A Pink，繼今年2月嘅見面會後，事隔半年6位成員再度襲港，喺亞博館舉行《2017 Apink Asia Tour [Pink UP] in Hong Kong》演唱會，而A Pink噚日已經抵港為港騷做準備。

A Pink原定7點開騷，但一直都未開始，約7點35分大會更開咪以中、韓文表示「由於場地安全檢查問題，會延遲開場，敬請見諒」，主辦方面表示仍在了解中，亞博館方面就指目前冇資料提供。而現場4,000粉絲都安靜等待中，未有鼓譟。

另外，開場前場外就有爆炸品搜索犬巡邏，似乎係因為日前喺亞博開騷嘅美國小天后Ariana Grande，保安升級，令到今次演唱會都有搜索犬巡邏。