明晚（12日）沙田夜泥第二場四班1650米，摩廐「好運」剛戰贏草地，今次轉到泥地一哩爭連捷令人意外。

翻查周日（16日）有該駒贏馬路程四班田草1600米，結果大摩以「活力飛彈」單刀赴會。

樂觀的看「好運」這趟讓路，全因大摩想充份把握每個贏馬機會，但同一時間也有機會令轉場地的「好運」削弱戰鬥力，反正打後要賭大摩較穩健的熱門頭馬仍有不少選擇，會比明晚靠追有疑點的「好運」更好。

至於與「好運」同場的「勁得手」，歷來上名全於泥地1200米，今次同樣有同程不報，選擇初次增程至一哩。

「勁得手」前仗跑泥地1200米，配楊明綸埋門仍落到29蚊，皆因之前跑同程全程外遊仍有三甲，反映本身泥地耍家，但此駒跑短途拉士根本爆唔起，所以不敵「君悅灣」只保Q腳未竟全功，今次「勁得手」增程跑一哩對症下藥，有泥地性能靠估的「好運」擔起彩池更加值博。

容天鵬除「勁得手」外，第三場五班1800米的「勇福星」近兩次泥地一哩均於極不利的形勢追上非冠即亞，難怪潘頓睇得上眼。今次容廐只出馬兩匹，隨時錄得百分百勝率。

-----------------------------
【新聞有價】6月17日起 繼續撐蘋果
http://bit.ly/2IJ24ZR