韓國「國民MC」劉在錫早前宣佈會同節目《舌戰》主持人金九拉開拍SBS新綜藝節目《同床異夢，沒關係沒關係》，節目亦將會喺今日首播。

一個係出晒名善良到爆嘅「國民MC」，而一個就係寸人唔畀面嘅「毒舌」，粉絲都好好奇佢兩個加埋一齊究竟會有咩嘅火花，而噚日節目組就先公開節目首次錄影嘅花絮相同趣事。

當中劉在錫就話：「係我同金九拉改變嘅時候喇。」之後金九拉就話：「我真係唔知點解要參加呢個節目，我同劉在錫可以話係極善同極惡嘅相遇，劉在錫間唔時仲會亂講嘢添。」而首集仲好似有同劉在錫一齊主持人氣節目《RunningMan》嘅池石辰做嘉賓添。

《同床異夢，沒關係沒關係》係一個通過觀察10代子女同父母相處嘅苦惱，並幫佢哋解決問題。