當年今日
關於我們

【睇你識唔識做】教鄭嘉穎要乜都就晒老婆 小恩子:佢係好爸爸同好老公

蘋果日報 2018/12/14 20:21

黎瑞恩鄭嘉穎

黎瑞恩今日喺紅磡出席活動,講到日前佢同鄭嘉穎去咗馬來西亞登台,小恩子話:「真係好開心,我哋好耐都冇見面,而 且我又係第一次去雲頂,估唔到啲觀眾咁熱情,我唱《一人有一個夢想》嘅時候,大家開晒啲手機燈,仲住我一齊唱,真好感動,忍唔住喊咗出嚟!」
唔知咁耐冇見嘉穎,有冇覺得佢比以前開朗咗?小恩子話:「佢都係cool cool哋,不過內心仲係灼熱嘅,佢都有問吓我以前生BB啲嘢,我都有教佢少少,但係最緊要係老婆開心,乜嘢都就晒佢,只要老婆開心,陀住個B都開心嘛!如果老婆唔開心,個B出世就會成日喊,不過我覺得佢係好爸爸同埋係好老公。」
有一段時間冇拍電影嘅小恩子,早前應邀拍攝微電影《骨肉香》,在戲中飾演女強人媽媽角色,佢話:「幫吓手囉,都幾幾好玩,以前拍戲好Hea,今次就唔同,有少少研究,都覺得OK呀,但係啲朋友張poster好詭異!」至於小恩子打入叱咤女歌手十強,佢話:「簡直好詭異,嗰朝起身,個個朋友打嚟恭喜我,搞到我成個人彈起,雖然我冇呢個心態,但係都好開心。」
精選娛聞,喺晒《娛果》
http://fb.com/appledailyent
empty
小恩子話有朋友覺得張poster好詭異!