當年今日
關於我們

701收料站:合生貨源甚歸邊

蘋果日報 2005/02/15 00:00


踏入雞年紅盤高開,確係令唔少股民士氣大振,希望大家雞年大豐收。
經紀黃問小初呢排有冇發現唔少大陸地產股表現優異?繼早排恒基中國(246)無厘頭勁升後,其他優質中資地產股如中國海外(688)或首創置業(2868)的股價亦不斷上揚,就連靜咗好耐嘅上海置業(1207),噚日亦突然抽高8.57%,收1.14元。
經紀黃話,佢重有一隻冷門推介,就係合生創展(754),呢隻股主要在廣州搞房地產,頗有知名度,而近年業務更擴展至其他省分,由於隻股甚少搞推廣,所以較少人留意,但股價較資產淨值折讓甚大。
早排終於有一間歐資行為合生出報告推介,之後成交有番生氣,噚日升5.44%,收3.875元,成交股數103.6萬股,金額392.87萬元。
經紀黃話,合生上市多年以來,成交一直疏落,貨源甚為歸邊,若然有人想推波助瀾,股價再抽高並唔係難事。
慕容小初