【本報訊】天水圍童黨凌虐事件，網上流言滿天飛，既有流傳14歲受害人因與15歲主腦爭仔而遭報復，其後亦有疑似受害人出面澄清沒有遭人性侵，亦沒有撬人牆腳，強調與男主角僅屬朋友關係，最終惹禍上身。
有網民爆料稱，被「搶仔」的主腦阿怡13歲時已有吸毒習慣，喜愛打人，即使她與其他同學無怨無仇都會「睥住人」，不少同學對她的行為都很不滿，直言「真係好乞人憎」；相反受害女童性格友善，甚得人歡心，對其遭遇感到心痛。有自稱受害女童的朋友在facebook及Instagram留言：「睇到你（受害人）咁好心酸……我好心痛，佢哋打你為咗咩，好玩？威啲？係咪心理變態㗎？」

疑似受害者澄清沒遭性侵

事後網上亦流傳疑似案中受害女童的留言，澄清沒有遭人性侵，又指與案中男主角只是朋友關係，「佢搵我傾我都想開解吓佢，睇吓有冇啲意見可以幫到佢」。她又解釋事發當日，女童黨曾搶走她的手機，觀看她與涉事「男友」的WhatsApp對話，之後表現得十分憤怒，隨即與同黨掟爛其手機及向她施虐。不過亦有網民在討論區爆料，指受害女童在一個星期前曾在校內的走廊大聲揶揄其中一名女童黨「媾唔到仔」，更揚言「夠薑打X我吖」，結果遭人報復虐打。
案中男主角「銀仔」的Instagram亦遭網民公開，發現他近月只留下「給你太多機會你不珍惜」、「風花雪月似戲一場，枯死在你手上」疑似與女友分手的語句，但未有解釋與案中主腦阿怡的關係。另外有網民公開案中女童黨身份，貼上兩名被捕女疑犯的部份個人資料，包括相片、電話及留言等。
■記者莫家文