韓國女團少女時代（少時）Tiffany雖然已經唔係SM事務所旗下，但佢同少時班好姊妹感情仍好好。

噚日Tiffany就飛咗去台灣，為今日舉行嘅粉絲見面會做準備。由於今次係Tiffany單飛後喺台灣舉行嘅首個處女騷，所以佢都好重視，特別喺今日下午見傳媒，Tiffany開心話：「我很興奮能見到粉絲。」她出道10年一直都係飄逸長髮，今次為新歌剪咗短髮，佢笑言：「已經10年都是長髮，聽起來好像很老了，但其實沒有，之後想要嘗試金髮造型。」

而Tiffany透露同隊友仍緊密聯繫，新歌MV亦找嚟秀英同孝淵幫手，又指：「我們都一直很興奮可以看到對方有新作品，我們很開心能找到新方法陪伴對方。」同時佢又表示成日都會煲劇同聽歌搵創作靈感，又力撐隊友徐玄嘅新劇《時間》，指自己都有煲埋一份，以前亦都愛睇《浪漫滿屋》。

另外，唔知Tiffany係唔係離開SM後，冇咁大壓力，見佢好似比以前圓潤咗少少，加上唔知係唔係條裙關係，令佢變成水桶腰，仲好似凸腩示人，真係幾嚇人。

更多韓流，喺晒《娛果》
http://fb.com/appledailyent