【新增動新聞】

曼城今季同《Amazon Prime》合作，由對方製作一條紀錄片，記錄佢哋由哥迪奧拿做領隊嘅第二個球季，不過據英國《每日郵報》報道，曼聯已經拒絕咗呢支攝喺嚟緊星期日入場拍攝「曼市打吡」花絮嘅要求，所以曼城呢條紀錄片將會冇咗呢場重要戰役賽前賽後嘅一啲精采鏡頭。

今季喺英超保持不敗、15場比賽贏咗14場嘅曼城，喺聯賽榜以43分高踞榜首，領先第2位嘅曼聯8分，如果星期日嘅打吡戰都贏埋，就會將領先優勢拉開到11分，但係曼聯拒絕《Amazon Prime》嘅攝製隊入奧脫福球場，即係話到時入唔到去曼城更衣室拍攝，換言之呢條秏資1,000萬鎊（約1.05億港元）、已經拍咗四個月嘅紀錄片將會冇咗呢場打吡戰嘅精采幕後花絮。據悉，曼聯方面聲稱已經有23個媒體喺球員通道區域有拍攝權，當中19個係外國嘅廣播機構。

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM