蔡菜子近日換完電郵又換電話號碼，搞到好多人都唔可以即時搵到佢。問佢做乜要改晒啲聯絡方法咁奇怪？蔡菜子好似有難言之隱咁，幾經追問，佢先肯講俾個男人激親。
嘩，邊個男人咁斗膽騷擾蔡菜子？蔡菜子話本來佢同呢位男士相安無事，但前排佢成日芝麻綠豆小小嘢都打畀佢問三問四，佢覺得實在太煩，所以索性改咗電話號碼，一了百了就算。
究竟嗰位男士講咗啲乜？蔡菜子死都唔肯透露半點風聲，但堅持同跟開嘅個案有關。問佢人哋係咪約佢去街，係咪追佢呀？佢都唔肯回應，只係話佢有時問嘅嘢好無謂，真係令到八方心思思。唔通呢位神秘人，係蔡菜子嘅追求者？